matabangutak:

Ang sarap nga naman sa pakiramdam kapag nakakasama natin yung taong mahalaga sa atin. Alam mo yung pakiramdam ng nahahawakan mo siya, nayayakap, nahahalikan, at nakukulit at kinukurot kapag nang gigigil. Lalo na kapag first time niyo palang magkita bilang kayong mag irog. Yung may matatawag ka na “KAYO”, at kapag nag uusap kayo eh may salitang “TAYO”.

Napakasarap nga naman kapag giliw na giliw kayong dalawa sa isat-isa. Lalo na ang unang anim na buwan ng relasyon niyong dalawa. Pag nakalagpas kayo diyan, sa mga susunod na buwan mag lilitawan ang maliliit na problema, sa mga susunod pang buwan eh masusubukan na ang inyong pagsasama. Ito yung mga buwan na itatanong mo sa sarili mo kung ganun pa rin ba ang nararamdaman mo sa kanya. Ang kailangan lang naman lagi komunikasyon eh at yung pagiging open niyo sa isat-isa. Mahalaga napag-uusapan kung medyo nagkakalabuan na ba kayo. Normal lang naman yun kung tutuusin. Kasi mahalaga na ang isat-isa sa inyo.

Nakakatuwa nga talaga siguro yung taong handa kang ipaglaban, yung taong mag eeffort sayo mahalin ka at intindihan ka sa abot ng kanyang makakaya. Sana may tao talagang ganun ka generous magbigay ng pasensya. Sana meron na talaga. Sana…